Darren Abdul Rahim Stevenson وتعويم الحوتة

في إطار تعويم الحوتة والحديث عن كل شيء إلا على البطالة وغلاء المعيشة والفقر والميزيريا الزرقاء والميلياردوات إلي فاصعين بيها الصحاح والتعيينات في الإدارة على طريقة التجمع و العنف و الإغتيال السياسي...وفي إطار الحديث عن كل شيء إلا عن فشل الإخوان الذريع وتوقهم إلى ديكتاتورية تيوقراطية وفي إطار عرك الأحزاب في بعضها ونسيانها لهموم الشعب....يخرجلنا واحد قاوري اسمو Darren Abdul Rahim Stevenson ...السيد هذا كان شريك أكبر فاسد ومحتال إلي اسمو سليم شيبوب... القاصي والداني يعرفوا بطش شيبوب وسرقتو للشعب التونسي ...مع هذا كان السيد هذا يخدم معاه أي شريكو في سرقة الشعب التونسي وتوا جاي عامل فيها ملايكة و يحب الخير للتوانسة...برشة اسئلة تطرح نفسها هنا علما وأن قطاع البترول في تونس هو القطاع المسكوت عنه من طرف الجميع بما فيهم جماعة الخلافة السادسة لأنه قطاع النهب والسلب والتجاوزات...
الحاجة الثانية السيد هذا ربى اللحية وعامل فيها تقي و مسلم و لبس الجبة ومتصور في الجوامع ودزلها إسم عربي بعد ما كان يبزنس مع شيبوب و يحصد معاه في ملياردوات الشعب...يا را! ولله ما فما حشمة! إلي يعمللكم لحية ويعمل فيها تقي ويولي يدجل عليكم تصدقوا فيه... لو نرجع لتاريخ الإنتلجنسيا والمخابرات لعرفنا أن من أسهل طرق إختراق الجماعات الإسلامية هي دخول عملائهم للإسلام ...شيء سهل لأن الجماعة لا يفكرون ...وتعجبهم الفازة فهي ترضي غرورهم وتغذي les fanatsmes متاعهم.
لحية السيد دارن تعبق برائحة الاستخباراتية والشبهات ولكم سديد النظر.

Darren Abdul Rahim Stevenson...this beard stinks intelligentsia. They believe you  though cos they love the ones who sing to their tune

Free Weld EL 15 
#Sayeb15

آش كون قتل شكري!