قراءة في حوار الغنوشي مع نسمة في 25/08/2013

ما تفرحوش بارشا الغنوشي ما هوش يرضع في صبعو وما هوش مطيح السروال ...هدفه الأساسي يتحالف بطريقة أو بأخرى مع النداء ويدز ركبة في جيجي سطوفا والمنصف حمص إلي ولاو كلصيتة قديمة بالنسبة ليه...وفماش ما يركحو معاهم الحامدي من أجل تفرشيك جبهة الإنقاذ و البقاء في السلطة إلي يصبح ممكن بتحالف مع النداء ...ومن بعد يعمل الله...ها تاو كان ينجم في المستقبل  يعاود يحل حكاية الأزلام ملول وجديد بحكم القطعان متاعو ملكة التفكير عندها ضئيلة ممكن تخطف...

الغنوشي في كل لحظة مستعد انو يعمل تحالف جديد بشرط انو حلفائه une fois دخلوا معاه هوما يوليو تحت رحمتو ليرميهم على طول يدو عندما ينتهون ...لو نجح تحالف النداء/ نهضة فإن آلاته البرباجندية ستعمل على إيصال الفكرة أن اليسار فوضوي و غير قادر على تحقيق السلم بالبلاد هذا في مرحلة ما قبل الإنتخابات...أثناء الإنتخابات حتى وإن دخل مع النداء حليفاً فهم يعرفون أن النداء سوف يضعف بحكم تحالفه مع النهضة ثم سيلعب على تمرير في مرحلة ما بعد الإنتخاب وخاصة إلى خرفانه الوديعة أن النداء هو الردة وتحالفه معه وقتي لإحتوائه وتجنب الحرب الأهلية وهو يعرف جيداً أن قاعدته الإنتخابية صلبة لذلك فإن هدفاه الرئيسيان هما البقاء في اللعبة على المدى القريب و تفتيت الأصوات التي ضده إن نجح في البقاء في اللعبة وإمتصاص الغضب والمرور إلى إنتخابات على مدًى أبعد. في هذا الكل فما كل شيء إلا حاجة اسمها الثورة وإحترام الشعب التونسي. سيدي خويا! شعوب الثورات العربية ما بين طاعون الأزلام وكوليرا تجار الدين وتتواصل المأساة.

 فما حاجة أخرى، في إطار التعنيقة ما بين سليم الرياحي ونبيل القروي و تخليط السياسة بالفلوس والحب وفي إطار عملية تجميل الوجه السياسي للمرشد وإظهارو في شكل "بابا لحنين"  لاحظوا انو أثناء الحوار ولا كلمة تجبدت على "وليداتنا" إلي يمارسوا في الرياضة في الشعانبي ولا على الشباب باربوز متاع حماية "النهضة" ...عفوا الثورة...هاذم  ما يطلعوا كان عمايل بن عمار والقروي ما نتصورش كان سليم يفهم في الفازت هاذوما.

Bon بقى عندي سؤال وحيد من باب الفضول العلاقة العناقية بين النهضة والنداء آش نو ممكن تتسمى في الفقه الجهادي ؟وكيف يمكن تحديد وضعية كل منهما؟

وباش نختمها بنكتة قالك  الشاب فيلالي عمل تصريح يعيب فيه على الشاب غنوشي كيفاش أن هذا الأخير ما إستجابش لتطلعات الشباب ...ها كيتي كيتي! 

Comments

[Othello Ettounsi]

Dear international readers,

Welcome to my blog :-) If you need any translations of the present post please let me know.

Thank you