الكرامة ليس لها صندوق يا جوعى ... الكرامة تضاهي كل ذهب الدنيا: تدوينة على هامش ما سموه بصندوق الكرامة

تعرفوه الري قطرة قطرة ... الخوانجية ومن لف لفيفهم واراجيز التأسيسي ابتدعوا "الحشو سلة سلة" قالك قانون صندوق النهب ما هوش من ميزانية 2014...تي نعرفوه ماهوش من ميزانية 2014...بعد إلي ها المناضلين من أجل مشروعهم الإسلاموي باش ياخذوا أكثر من 1100 مليار...شوفو نص القانون البليد بلادتهم « احدث حساب خاص يطلق عليه إسم صندوق الكرامة وردّ الاعتبار لضحايا الاستبداد يتولّى المساهمة في التعويض لضحايا الاستبداد في إطار العدالة الانتقاليّة. تضبط طرق تنظيم الصندوق وتسييره وتمويله بأمر»
1- الخطوة الأولى تمرير ها الصندوق التعيس

2- الخطوة الثانية موجودة في ال torchon إلي كتبوه  "تضبط طرق تنظيم الصندوق وتسييره وتمويله بأمر"

يعلم الله منين باش يجبدوا الفلوس هاذي ...فما زمرة من دجاليهم يقولون أن المال سوف يأتي من ميزانية الطوارئ...فما ناس تقول التبرعات ... يعني الغموض ... ها نحن الآن على مشارف صندوق 26/ 26 جديد...إن مثل هاته الصناديق في ظل غياب سلطات منفصلة عن بعضها البعض وفي ظل غياب قضاء مستقل وسلطات منتخبة هو عار.

في ها الحكاية الكل، كنت نتمنى أنو حكومة الخوانجية وطماعة المؤتمر ومرتزقة التكتل و كلونات التأسيسي مشاو شدو وقاضاو الناس إلي عذبت وإلي ساهمت في التعذيب وإلي أمرت بالتعذيب ولكن لن يحصل ذلك ومن قال أنهم سائرون في تطبيق العدالة الإنتقالية فهو واهم...أنهم باعوا الطرح. لا يسعني إلا أن أتعجب أيضاً من كل واحد يجتر تبلعيط واحد من راسبوتينات قرطاج لما قال أن " الذين يقفون ضد الصندوق لانهم ضد مسار العدالة الانتقالية" ...لا تغتروا بكلام هذا العلقة. ما هي العلاقة ما بين صندوق الشحاتة هذا والعدالة الإنتقالية؟ لماذا أصلاً ومنذ 3 سنوات لم تحاكموا أجلادين هذا البلد؟ لماذا أصلاً لم تقوموا بأي خطوة من أجل فصل السلطة القضائية عن السلطة التنفيذية حتى تقوم بدورها؟ 3 سنوات وأنتم تنهبون ...3 سنوات ولم تحركون ساكناً والآن خرجتم بعملية السطو هذه...ما اخيبكم!!

في ها الحكاية ماتت المبادئ...من يناضل لا ينتظر جزاء ماليا وانما رد إعتبار ... في ها الحكاية شلكوا المبادئ وشلكوا النضال:
من تعذب من أجل دحر الدكتاتورية ...من أجل الوطن فقط...إن دحر الدكتاتورية ورد الإعتبار يسواو فلوس الدنيا...حد ما عامل على حد مزية ... وإلي يناضل يناضل من اجل وطن ما يستناش فلوس وإلي يحب على الفلوس هو طماع ... وإلي يحب على جزاء مادي على خاطرو قاوم الدكتاتورية هو غير محترم. ما المال أمام نبل القضية والإيمان بيها؟

هذا من ناحية، ومن ناحية أخرى فإن الشعب التونسي كامل كان يرزح تحت الديكتاتورية ... الجهات المهمشة والمحرومة هي زادة ضحية الدكتاتورية ...البطالة إلي ما عندهمش كتاف وما خدموش هوما زادة ضحية الدكتاتورية...العامل وظروف حياتو الصعبة هو زادة ضحية الدكتاتورية...كل تونسي كان يعاني على خاطر ما فماش حرية رأي ...وكل تونسي كان يعاني على خاطر الدولة كانت تنهب في عرقنا بالضرائب وعلى خاطر القمع البوليسي... كل تونسي كان يعاني على خاطر القهرة والحقرة ...كل تونسي كان يعاني على خاطر كان جا ها البلد ديمقراطي راهو ووضعية الملاين كان تكون أحسن بارشا. العذاب ماهوش حبوسات فقط ...كونك أنك مواطن تعيش في دكتاتورية هو أكبر عذاب داخل السجن أو خارجه.

لهذا يزيكم من الركاكة ومن إستعمال قيم نبيلة لتسمية صناديق نهبكم ... هاته الصناديق المراد بها كسب أصوات ناخبيكم أو شراؤها من دم الشعب...الكرامة لا تشترى ... الكرامة أنفس من مال الدنيا...الكرامة ليس لها صندوق...صحيح لم يكذب من سماهم تجاراً. النهضة انشأت صندوق كرامتها في إنتظار أن تكون للشعب التونسي كرامة...النهضة تشتري وتضمن في الأصوات إلي باش ينخبولها...راكم عيفتونا يا محاسبية.

كلمة أخيرة لهؤلاء: لستم أنتم من حررتمونا بل نحن من حررناكم ..لقد خرجنا ولقينا صدورنا لرصاص بن علي بينما كان من كان منكم من منكم فارا في لندن أو باريس أو غيرها متمتعين بمليارات الإخوان ...نحن حررناكم بينما كان من كان فيكم يقبع في سجون بن علي ... نحن حررناكم لأن أغلبكم لزم الصمت والجبن خوفاً من قمع بن علي...نحن الذين خرجنا للشارع ...تحت الرصاص ومنا من مات بالرصاص ...أهذا جزاؤنا؟ لقد وظفتم في الوظيفة العمومية بالآلاف ورجعتم معززين مكرمين وها أنتم تحكمون منذ 3 سنوات وكان العقد على سنة...أهذا جزاؤنا؟

Comments

[Aya]

لعنة الله على الظالمين... حسبنا الله و نعم الوكيل حسبنا الله و نعم الوكيلحسبنا الله و نعم الوكيل ... نحن لم نطلب تعويض هذا حق قانوني ضمنه لنا قانون عالمي و أعطانا أوراق نجمة نقدمو بيهم قضية ضد الدولة كان ما يتحلش الصندوق... و الفلوس ماهيش من الدولة... و ماهيش كان لجماعة النهضة يا كلاب يا قوادة الشعب... مالا جماعة اليسار و جرحى الثورة و اليوسفيين حاطين.. . و الكل زواولة إلي معنيين بيها موش سياسيين يا بهايم... أنا بابا و امي اوى باش يموتو من التعذيب إلي تعرضوا و تستحقين برشة فلوس برشة فلوس ... و زيد حقهم يا كلاب ... تشردناو احنا ما عملنا شيء حبوسات و تمرميد من تحت رأس يكون الحنين ... إلي ظلم يشويه فيلي يعز عليه منكم آمين... ندعي عليكم و على أمثالكم ليل و نهار