جامعة المنار ...ترتيبها و السلاوتي و حكومة الكفاءات و التطبيل
فما كلمة قاعدة تدور عند الناس إلي ما تعرفش البير و غطاه في الجامعة و يهمني نفسر بكل هدوء البير و غطاه و خاصة لأصدقائنا بالثانوي باش ما يتغروش بأبواق البروباغاندا إلي قاعدين يقولوا انو سوبر سلاوتي هو إلي حسن ترتيب جامعة تونس المنار.
من ساهم في تحسين ترتيب جامعة تونس المنار ماهوش فتحي السلاوتي راهم الجامعيين الباحثين الي خدموا على رواحهم و نشروا ابحاثهم
من ساهم أيضا في رفع ترتيب جامعة تونس المنار هوما ال 1200 دكتور باحث بطال إلي سجلهم السلاوتي بجامعتو و خلاهم مطيشين تحت الدروج منسيين
هوما ال-1200 دكتور باحث بطال إلي إلي تخرجوا في سنة واحدة من جامعة المنار إلى أحضان البطالة والتهميش وما عندهمش الحق لا في منحة التحفيز الي من نصيب الكبارات وما عندهمش حق بالقانون يحطوا ساقيهم في اي مخبر بحث تابع لجامعة المنار و إلي لو كان سي السلاوتي منع أو نقص الساعات الإضافية أو العرضية بجامعتو وهو قادر على ذلك لكبر حظهم في الانتداب
من ساهم في تحسين ترتيب جامعة تونس المنار هوما ال 1200 دكتور الي عمل مجهود باش يكسر اتفاق 7 جوان 2018 الي لو صار لترفعت ميزانية الوزارة مقابل فتح 1200 خطة للدكاترة
ترتيب تونس المنار ما طلعش بنقص 75٪من ميزانية البحث الي السلاوتي وقف ساكت يتفرج فيها.
السلاوتي طموح و يحب يولي وزير فقط هذاكة علاش عمل كل ما في وسعو باش ينال رضا طبة و طبق المستل و قص الشهاري و صحح على التجميد و قطع التغطية الاجتماعية
وينها جامعة تونس المنار وقتلي على بعد خطوات كلية العلوم بتونس ترتع فيها الزبل؟ وينو رئيس الجامعة؟
السلاوتي طموح و عمل يدين و ساقين مع الوكالة الفرنكوفونية هو و بن عودة زميلتو في الطموح...
السلاوتي طموح وعمل يدين وساقين باش يجيبلنا الجامعة الفرانسوية الخاصة بفلوس الشعب فلوس صندوق الودائع والأمانات.
ولكن لا تونس و لا الدكاترة و لا الباحثين و لا الجامعيين و لا الجامعة العمومية تخدمهم و كالة الفرنكوفونية و لا طموح السلاوتي و لا بن عودة...
مع بن عودة و السلاوتي... إصلاح التعليم أنسى... مجلس أعلى للتربية أنسى... مع السلاوتي و بن عودة حتى حرية التعبير لو كان يقدروا يصادروهالكم...
ما تنساوش طالب في الطب على خاطر تدوينة فايسبوكية صحح على رفتو 4 أشهر وماتنساوش دفع وما دافعش انو استاذة مناضلة قيادية نقابية من كلية العلوم بتونس يقع ايقافها على خلفية تصديها لضرب الشهائد العلمية في تصريح أثناء ندوة صحفيةفي حين انو سوبر سلاوتي بصم بالعشرة و أصر الحاحاً على تطبيق المستل ودز باب ISI إعلامية اريانة و حضر مداولات مفروض ما يحضرهاش وصحح في محاضر إمتحانات المستل مستفزاً و مروعاً المناضلين المضربين ...آش جاب، لجاب و سجل ياتاريخ بالبرهان والصورة .
ما ننساوش انو السيد الرييس إلي في عوض يكون رئيس الجامعيين الكل كان يعدي جزء من وقتو يبرتاجي في معلومات غالطة من حيط سي عبد المجيد بنعمارة ويصفي في حساباتو مع النقابة المناضلة لحساب المنظومة القامعة
إلى رفاقنا النقابيين في الثانوي هو لن يكون صديقكم بل صديق قيادات مركزيتكم من أجل الطموح فقط.
لو كان جاء الوقت وقت راهي نادية شقرون إلي تحكي فرانسواية ولكنها تونسية حرة وطنية لو كان جاء الوقت وقت راهي وزيرة وراهو السلاوتي... أي حاجة أخرى ما عدا وزير و لا رئيس جامعة.
شاهد الحوار كامل في الفيديو أسفله لمزيد من المعلومات