فايسبوك افيون الشعوب المتخلفة

ما حاجة ندمت ما عملتهاش الي هي كتابة سجل يوثق الكوارث و الفجايع و الهوائل الي صارت لتونس من ارهاب و دعششة واغتيالات سياسية و قتل و تعذيب وجرائم واغتصابات و فضايح و سرقة ونهب ومع كل كبيرة نذكر كيفاش انو المندبة الجماعية و النواحة الفايسبوكية تدوم من 3 إلى 5 أيام ومن بعد الشعب يمر الى تفاهة نرمينية او غيرها...

هاي جاية الcoupe d'europe و هاو تاو تنساوا...

عرفتوه ال bébé كيف يبكي تعطيه لعبة ينسى شوية ويرجع يبكي... تونس هكاكة... الفايسبوك éponge... زريقة مخدر تهيجوا و تميجوا و تسبوا و تخرجوا الڨرينتة و المبادئ و القيم وكل أنواع المزايدات و من بعد تمشيوا zombies في شوارعكم تتعاركوا عالخبز في الكوشة و تسبوا بعضكم في ال circulation الزاحمة و تنشرون الفوضى و البلاستيك أينما حللتم. ..

تونس ما تترباش

فايسبوك افيون الشعوب المتخلفة

عيط عالفايسبوك وارڨد في الدنيا

'اذهبوا قاتلوا وربكم' هاوكا انت تناضل في الفايسبوك