مسألة ما سموها بالتطاول على قطر

غريب أمرهم...يعني أنك إذا عبرت عن رفضك للتصريح الذي لم يحترم فيه المرزوقي شعبه وإن انتقدت التدخل القطري في الشأن التونسي لازم تولي ايتام فرنسا...ها ديني! معناها كيف هما قطيع عن قناعة أو عن جهل أو عن طمع أو يقبضوا في الفلوس مقابل خدماتهم يلزم حسب ما يزعموا عباقرة البروباجندا متاعهم إنو الواحد يكون لحاس فرانسا و آليو ماري وبرا جغ مغ عاد! هاو جاهم الأمر وطاحوا يبارتاجيو  و يجتروا في نفس ال MESSAGE...يعني إلي يعارضهم يا يساري كافر يا علماني متغرب يا زلم، معناها الديمقراطية عندهم أنك تكون عليلش مسكر فمك...يعني بالنسبة ليهم ما تنجمش تكون تونسي حر وما تنتمي لحتى حد...ماني قلتلكم الحاجة لأن تصنع سيداً ولا ترى غيرك دون أن تصنع سيداً له هي ظاهرة في هذا البلد...ملخر تبا للعمالة منين هبت ودبت وتباً للإنبطاح ولتقديس الزعماء منين هبو ومن دبو وتحيا تونس وتباً للأحزاب الحاكمة والمعارضة وقطعانها المغمضة عينيها ومع ذلك نختم  بقطر dégage.