أهداف الثورة تتحقق: المطعم الإسلامي الذي كسر ثورة روزا باركس وماركتينغ التجارة بحاجات الأقليات والطائفية

يا توانسة يا كفار, ابشروا أبشروا...الثورة بدأت تحقق في اهدافها... افرحوا... هاته خلاصة  مما قاله المستجوبون  الآن أصبح إلي يحب يخرج يتعشى وما يشوفو حد ويلا يحب ياكل وما يشوفو حد فما مطعم جديد ...سماوه أصحابو "مطعم إسلامي" ...حرم علينا كسكروت شناب...ها المطعم مافيهش الإختلاط ...وفيه عوارض خشبية تجعل المنقبة بعيداً....آه يا Rosa Parks لو قمت من قبرك! هل سيحسون بك هؤلاء وأنت كنت تناضلين حتى لا يكون للسود مكان خاص بهم في الحافلات وأنت كنت تحاربين التفرقة؟

الحمد لله كنا محرومين وربي ناب علينا...ما تسمع كان آيات وأناشيد وما تسمعش حاجات منكرة من عند التوانسة الكفار...لماذا يكرهون هذا البلد ولماذا يريدون العيش وحدهم في مطاعمهم؟ لم يكذب من قال أنهم طائفة.

 ضربة ماركتينغ حلوة يا صاحب المطعم ...استطعت إن تضرب market segment في منتهى الهشاشة ومستعد أن يدفع ...وزيد  ماعون الصنعة: اللحية وضربة ضربتين "سبحان الله" في كلامك باش تخطف bien...هذا الكل من أجل وسخ الدنيا...الفلوس؟ لا حول ولا قوة إلا بالله...

التجارة بالأقليات مربحة ... مثلك يا صاحب المطعم  مثل  أصحاب les Saunas POUR couples échangistes etc في أوروبا وما شابهها من المشاريع التي تكرس الطائفية وال-ghettoisation والتجارة بحاجات الأقليات.

أنا والله كان جيت منقبة يلي ما نلبس روبة سواري le temps أنوسي السيد يمشي لل-traiteur ونحطلو هيفاء وهبي في السهرية ونعملو جو وما نمشيش لل-ghetto متاعك. وفي الختام إضغط هنا لترى تحقيق التلفزة الإسلامية حول المطعم الإسلامي...وتعليق صاحب المطعم حول "المطاعم متاعهم" وهو يقصد في مطاعمكم انتوما يا توانسة وياكفار و شوفو كيفاش يحكيو على الأخلاق في المطعم على خاطر متاعكم يا توانسة كلها موبقات ومنكر وما ناقص كان نكير  ... حرم علينا أكل كسكروت شناب.

عندي إقتراح ليهم ...حقهم يناديو اللوز أو الخادمي أو شورو باش يدشنوه.

Comments

[Raouf]

mouti b9o7béék ya ketibat al ma9al ;)