التوانسة والسينما وكشيش ومهرجان كان
غريب أمرهم التوانسة وأغرب منهم السياسيون....قاعات السينما مهجورة و-presque الكل تسكرت وأجزم انو أكثر من 99 في المية منهم ما حط المؤخرة متاعو على كرسي في صالة سينما وها الفيلم إمتاع كشيش ما تفرج فيه حد حتى واحد ما يعرف تاريخ كشيش وأفلامو السابقة والكلهم توا يتشبرشوا ويحكييوا على مهرجان كان والسعفة الذهبية:
- للناس الفرحانة بكشيش : راهو إلي جابو ماهوش بفضلكم، والفيلم متاعو ما هوش تونسي، راهو إلي جابو ماهوش بفضلكم، لأنو التوانسة ما تستعرفش بالسينما وهاو نهبط خطاركان واحد فيكم باش يولي يمشي يتفرج في السينما من هنا ولغادي خاطر فرنسي من أصل تونسي ربح في كان.
- للمستنكرين وخاصة جماعة السياسة: يزييو من الكذب على رواحكم آش تفهموا فيها السينما وآش كانت تعنيلكم؟
A part ça ما نحبش نكسر راسي في حوارات فارغة ونتبع الرويق إلي قام وإلي باش يقوم حول الفيلم من أصله.